Chi bedda Catania, Catania di notti
iu sentu ca u cori m’abbatti chiù forti
ndè strati, pè chiazzi iè intra i cuttigghi
Catania fà a matri e annaca i so figghi
poi l’alba d’argentu s’ammisca cò mari
Catania è a genti ca si usca u pani
ma quannu s’arrobba e si isunu i manu
Catania s’incazza e diventa vulcanu.
Catania è ‘na pupa, capiddi castani,
labbra carnusi e l’occhi ruffiani
e quannu mi sapi luntanu du iorna
ca a so vuci d’angilu mi rici torna
Catania umiliata, trattata cche peri
s’attrucca e si pettina pe’ furasteri
e quannu c’ancontra du ziti filici
Catania romantica li binidici
Musica, c’è musica Catania abballa
restu ca vucca apetta a taliarla
chi bellu pettu chi formi, Catania ca non dormi
Musica, chi musica Catania sona
e si ndò menzu quacchedunu stona
fa ‘na battuta schirzusa, Catania è spiritusa.
Che bedda Catania, Catania di notti
cu attracca, cu vivi e cu fa cosi storti
Catania è pueti, finomeni e geni
gilusa picchì pi nuautri ci teni
Catania cò Suli macari ndo nvernu
Catania figghiozza do Patri Eternu
si porta a braccettu l’amicu liotru
fra uduri di chiummu, di zagari e citru
Musica, c’è musica Catania canta
tutti cò saccu sta passannu a Santa
varda Catania che lesta, cu l’abitu da festa.
Musica, chi musica Catania ardita
o stadiu soffri e vinci a so partita
stanca ci abbruciunu l’occhi, s’appinnica nde scogghi.
Catania da guerra, Catania urricata,
distrutta e pì setti voti rinata
non c’entrunu i sordi, non c’entra a furtuna
Catania ndo Munnu ci nnè sulu una.
CATANIA IN AAAAAAAAAAA CATANIA IN AAAAAAAAAAAAAAAAAAAA!!
cercavo qualche thread a proposito ma niente!!! 28 maggio 2006: giorno + bello della mia vita!!! CATANIA TI AMO!!!
