El projeto de l'Ino Nasionale Veneto el xe el fruto de mexi de laoro da parte de Asociasion culturali venete che le gà sentìo el bexogno de métare in pie on Ino pal nostro Popolo, al de fora de i partiti e de le ideolojìe polìtiche.
On Ino de tuti e par tuti: tuti i lo podarà cantàr e far sonàr in qualsiasi ocaxión (incontri, feste, convegni, partìe de balón, evc...).
La mùxica: la xe stà aranjà dal maestro Luciano Brunelli e la xe baxà so la “Juditha Triumphans” de Antonio Vivaldi, conpoxitór veneto, a che'l tenpo conposta so richiesta de la Repùblica Serenìsima de Venesia.
El testo: el xe stà scrito da Ilaria Brunelli, Michele Brunelli e Davide Guiotto, tegnendo conto anca de le tante segnalasión e consiji che in sti mexi xe rivà da chi che la gà scoltà.
Testo e mùxica i xe depoxità a la SIAE e da on notàro/notaio.
Finalmente anca el Popolo Veneto el gà el so Ino Nasionale!
ULTIMI AJORNAMENTI: doménega 16 de marso del 2008 se xe riunìa na banda co squaxi 40 strumenti e on coro de altretanti cantori, pa la prima rejistrasion uficiale de l'INO NASIONALE VENETO.
Ghe vorà dèso ncora qualche dì pal montajo de muxica e coro da parte de tècnisi specialixà; finìo questo pasaremo a la duplicasión dei CD e a la confarensa stanpa de prexentasión.